[頭髮] 好好好激氣既事 - 係salon白等一個鐘，大家千祈唔好去!

好好好激氣既事 - 係salon白等一個鐘，大家千祈唔好去!

文章日期：08/26/2013 11:54 am

有一件好好好激氣既事要同大家講!!

話說我一個月前在groupon見到天后一間salon做頭髮keratin treatment非常超值，

(在其他地方要$2,000+的treatment只要$700就可以)

所以都不用考慮就買下了~

過幾天打電話預約 (groupon上寫至少三天前預約)，接訂電話的男生也很有禮貌，不過可以選擇的時間有點少，

平日假日都約滿了，直至3星期後才有位! 不過我可以理解，groupon一般都這樣。便宜就要等我是可以明白的。

結果在電話裏頭他們跟我說可以多加一個時間給我(原本是1點開始預約)，約在兩星期後, 就是剛剛過去那個星期日12點。

之後... 令我超憤怒的事就發生了!!!

當天我12.10am左右到達，踏進門口時，

salon： 咁早既!

我(心想)： 我約左12點喎...

salon：  師父未返到喎, 你坐陣先啦~

咁我坐低，其他人各忙各的，枱前連雜誌都無本，不過諗住等一陣所以都OK，

二十分鐘過後...

我：  我想問師父幾時返?

salon如夢初醒記得有我這個人：  唔...你等多十五分鐘啦

跟住走開左, 時間已經係12:30

又十五分鐘都無見到佢地打電話搵阿'師父'，我又問要等到幾時。

salon睇左本booking簿一下，指佢我預約了的時間，我見到由朝早到一點幾格係用紅筆劃走晒...

salon(指住booking簿)：  佢可能睇唔到你個booking, 但佢約左另一個客一點鐘, 應該一點前會返黎..

(咁我呢?)

一點??!!佢約我十二點喎。

結果我等到一點十分，依然人影都無個，

我(心想)：  係咪咁離譜，仲話約左下個客一點鐘?!

我(執野走)：  我走啦，唔等啦，等左成個鐘!!!

salon見我要走：  唔好意思呀(整個小時裏第一次聽到唔好意思!!!) 你再book過下次啦~

沒有bye-bye，我走了但太生氣了!

1) 整個過程沒有人主動同我講到底阿'師父'幾時返

2) 我枱頭連本雜誌都無，佢地由得我係度白等，但間舖的其他職員得閒到有D係度煲電話，有D坐係梳化玩電話!

3) 除左我走個陣，一句唔好意思都無人同我講過，仲問我做咩約咁早 (!)

4) 沒有意圖做makeup appointment，仲叫我自己再打去約過

5) 到現時為止阿'師父'都無搵過我!

所以我決定問groupon退款!!!! (去信中...)

唔想再去呢間野做! 寧願比貴D好過!!

太激氣啦~所以打很長，多謝睇我發牢騷 >3<